Изгор влезници за финалето на Евровизија.
Еден билет чини околу 427 евра, а салата е целосно распродадена. Оние пак, кои сакаат посебно искуство во ВИП-класата, ќе треба да издвојат 4.260 евра по лице, но со одличен поглед на бината, шампањ и „шведска маса“.
Годинава учествуваат 37 земји, три помалку од лани.
Во финалето влегоа 26 натпреварувачи. Покрај избраните натпреварувачи во полуфиналните вечери на 9 и 11 мај, тука е и „големата петорка“ составена од Велика Британија, Франција, Германија, Шпанија и Италија, кои придонесуваат најмногу финансиски на натпреварот, како и минатогодишниот победник – Украина.
Главен фаворит годинава е Шведска, која по вторпат ја претставува Лорин. Таа веќе победи на „Евровизија“ 2012 година.
На овогодишниот Евросонг, Македонија нема свој претставник поради економската криза.
