Со победа од 3:1 над Специја во мајсторката за опстанок во италијанската елита Верона и следната сезона повторно ќе игра во Серија А. Каљари, пак, е победник на второлигашкиот бараж и по само една сезона експресно се врати меѓу најдобрите.
На неутрален терен во Удине, поради ист број на бодови и ист меѓусебен скор, екипите на Специја и Верона одиграа мајсторка. Давиде Фараони во 5-тата минута донесе водство за Верона, а израмни Велшанецот Итан Ампаду само десет минути подоцна.
До полувремето Сирил Нгонге постигна два гола и обезбеди убава предност од 3:1 за Верона, а во вториот дел М'Бала Нзола не искористи пенал за Специја во 68. минута. Претходно, исклучен беше стрелецот на првиот гол за Верона, капитенот Давиде Фараони, кој со рака од гол-линијата спречи гол за Специја. За потегот доби црвен картон, но се исплатеше бидејќи Лоренцо Монтипо го одбрани лошиот удар на Нзола. И со играч повеќе Специја до крајот не успеа да се врати.
Така, Верона
Откако лани испадна од Серија А, Каљари се враќа во елитното италијанско друштво откако го доби финалниот плеј-оф во Серија Би против Бари. На гостински терен, Каљари славеше со 0:1, откако првиот дуел на Сардинија заврши 1:1. Бари имаше пласман во А сѐ до судиското надополнување (правилата велат дека во случај на нерешен исход за победник се смета тимот што има подобар пласман на табелата), кога во четвртата минута Леонардо Паволети постигна победнички гол.
Каљари експресно се враќа во Серија А, иако на табелата заврши на 5. место. Бари беше трет. Во елитата експресно се врати и Џеноа, а третиот патник е Фрозиноне. Неуспешни во плеј-офот покрај Бари беа и Парма, Зидтирол и Венеција.
