Ветерница од XVIII век во Велика Британија е претворена во удобен дом и е понудена на продажба за 1,25 милиони фунти.
Ветерницата се наоѓа во Ковентри, Англија во природен амбиент. Зградата првично била изградена за да служи како ветерница, но во 1885 година била претворена во водна кула. Денес, пак, тоа е прекрасен дом со 2 купатила, кујна, дневна соба, 4 спални соби и тераса.
Има доста простор бидејќи има 5 ката, а прозорците и терасата нудат поглед на природната средина.
Имотот има и доволно паркинг простор за 6 автомобили.
Градините се идеални за семејства со мали деца на кои им треба простор за играње, но се погодни и за возрасни кои сакаат да престојуваат на отворено.
Цената на имотот е 1,25 милиони фунти.