Чилеанецот и италијанскиот клуб ги договориле условоте за преселба во Милано, но останува сега Интер и Барса да се договорат, а тоа веројатно ќе оди многу тешко.
На Конте очајно му треба зголемување на играчкиот кадар за Интер да може сезоната до крај да ја одигра на високо ниво. Проблемот со тенката клупа Конте го потенцира одамна, особено по неколкуте повреди кои го оставија со младинци на клупата за резерви, а ветеранот Борха Валеро беше приморан да го прекомандува како клучен играч во средниот ред.
Желба на Конте е Артуро Видал со кого управата на Интер нашла заеденички јазик договарајќи ги условите под кој тој треба да се пресели во Интер. Се договориле за две и полгодишен договор.
Но, постои еден проблем: Видал не е слободен играч и треба да се постигне договор и со Барселона. Тука е проблемот. Видал има договор со Барса до јуни 2021, што значи дека Интер ќе треба да плати отштета.
„Нераѕурите“ понудиле 12 милиони евра, но Каталонците бараат 20, а моменталната вредност на 32-годишниот Видал се проценува на 14 милиони евра. Доколку Интер не сака да ја понуди сумата која Барселона ја бара, тимот од „Камп Ноу“ е подготвен на трампа со Стефано Сенси од кого Конте по никоја цена не сака да се откаже.
Сенси има 24 години и за Интер настапува како позајмен од Сасуоло, но со опција за целосен откуп на лето. Неговата вредност се проценува на 30 милиони евра што значи дека во ваков случај Барселона ќе треба да му доплати на Интер при евентуална трампа на Сенси и Видал. Сепак, шансите Конте да се откаже од Сенси се минимални особено што за возврат би добил 32-годишен играч.
