Артуро Видал сѐ уште не му кажал збогум на фудбалот, бидејќи сѐ уште настапува за клубот Атлечику Паранаенси во Бразил, а често користи прилики да ги коментира актуелните случувања во европскиот фудбал, каде што долги години играше.
Тоа често го прави преку социјалните мрежи, каде е многу активен, за да ги коментира актуелните случувања во врвниот фудбал.
Пред неколку дена тој го критикуваше менаџерот на Манчестер Јунајтед Ерик тен Хаг во разговор со навивачите на платформата Twitch.
Според одличниот Чилеанец, холандскиот стручњак е главниот и одговорен проблем за кризата во која се наоѓаат „Црвените ѓаволи“.
Како прво, на Видал не му е јасно зошто Тен Хаг го избрка Кристијано Роналдо од клубот.
„Овој тренер само им нанесува штета. Како можете да го отпуштите Кристијано Роналдо? Какви луѓе се тие. Тој беше најдобар стрелец на тимот и потоа го избрка. Ваквите ќелавици се многу комплицирани“, изјави Видал.
Видал од 2008 до 2022 година настапуваше во Европа играјќи за Баер Леверкузен, Јувентус, Баерн, Барселона и Интер. Потоа дојде во Фламенгу, а од јули е во Атлечику Паранаенси. Кариерата ја почна во најпознатиот чилеански клуб Коло-Коло.
Сѐ уште е репрезентативец на Чиле за чија репрезентација досега има 142 натпревара и 34 голови, последниот сега во септември против Уругвај во поразот од 3:1 во квалификациите за Мундијалот 2026.
