Ниското ниво на железо може да доведе до сериозни здравствени последици, како на пример срцева слабост. Затоа, многу е важно секој ден да го внесувате овој минерал во организмот, а во тоа можат да ви помогнат одредени видови овошје.
Замор, вртоглавица, забрзано чукање на срцето, депресија, опаѓање на косата и бледа коса се само некои од знаците за недостаток на железо во организмот. Ниско ниво на железо најчесто доживуваат жените за време на менструалниот циклус и трудниците, но не е исклучено и други луѓе да имаат недостаток на овој минерал.
Д-р Мет Енгоув од Optimize Iron вели дека овошјето генерално не е силен извор на железо, но дека има причини зошто треба да го додадеме во исхраната доколку имаме недостаток на железо.
Иако овошјето не се смета за значаен извор на железо, може да помогне кога се комбинира со друга храна богата со железо. Еден од видовите секако е овошјето со висока содржина на јаболкова киселина, а за такви најмногу се сметаат јагодите, кајсиите и црешите. Доктор Енгоув наведува дека овој вид на овошје значително го зголемува внесот на железо во цревните клетки.
Сушеното овошје како суво грозје и сливи се добар извор на железо кога станува збор за овошјето. Тие имаат поголем процент и подобра вкупна биорасположивост на железо во споредба со свежото овошје.
Консумирањето овошје со лимонска киселина добро влијае и на зголемување на железото во организмот бидејќи помага во апсорпцијата на овој минерал. Покрај тоа, агрумите се многу добри за имунолошкиот систем.
