Откако извесно време беше далеку од очите на јавноста, Вил Смит се појави во The Daily Show на Тревор Ноа, за промоција на новата историска драма „Emancipation“. Меѓу другото, проговори и за инцидентот на Оскарите, кога му удри шлаканица на Крис Рок.
„Тоа беше ужасна ноќ, како што може и да си замислите. Има многу нијанси и сложеност во тоа. Но, на крајот, едноставно се изгубив. И сам минував низ нешто таа вечер. Не дека тоа го оправдува моето однесување. Имаше многу нешта. Тоа беше како сцена на „мало момче кое го гледа татко си како ја тепа мајка му“. Сѐ тоа прекина во тој миг. Тоа не е она што сакам да бидам!“, изјави оскаровецот.
Смит се потсети и на една анегдота по Оскарите.
„Мојот внук има само девет години. Тој е најслаткото мало момче. Дојдовме дома. Тој остана буден до доцна за да го види вујко Вил. Седиме во мојата кујна, го држам в скут, па држејќи го Оскаров ме праша зошто го удрив човекот“, раскажа актерот.
Јавно соопшти дека се кае за немилиот настан, но се надева дека инцидентот нема да влијае на успехот на неговиот нов филм.
„Целосно ќе разбирам ако некој не е подготвен да го погледне филмот. Апсолутно ќе го почитувам тоа. Но, мојата најголема грижа е мојот тим. Луѓето ги завршија најдобрите работи во целата моја кариера и се надевам дека моите постапки нема да ја казнат екипава“, нагласи Смит.
Прикажувањата на филмот требаше да почнат во мај годинава, но беа одложени поради случката на Оскарите. Филмот ќе се појави во американските кина во текот на неделава, а ќе биде достапен и на стрим-платформта Apple TV+ почнувајќи од 9 декември.
