Британскиот суд му нареди на владетелот на Дубаи да плати половина милијарда фунти на поранешната сопруга принцезата Хаја и нивните две деца, за спогодбениот развод.
Во писмената пресуда, судијата Џастис Мур рече „главната закана“ за Хаја и децата доаѓа од шеикот Мохамед бин Рашид ал-Мактум, кој исто така е премиер на Обединетите Арапски Емирати.
Принцезата Хаја побегна во Велика Британија во април, 2019 година со двете деца. Оттогаш, во серија сослушувања поврзани со притвор, пристап и финансиска поддршка, кои досега чинат над 70 милиони фунти во правни трошоци, судиите на високиот суд утврдиле со веројатност дека шеикот го оркестрирал киднапирањето на две од неговите деца, принцезата Латифа и принцезата Шамса и ја изложил принцезата Хаја на заплашување. Со помош на шпионскиот софтвер Pegasus ги хакирал телефоните на Хаја и пет нејзини соработници, вклучително и на двајца нејзини адвокати, a nеговите агенти се обиделе да купат имот од 30 милиони фунти до домот на Хаjа во Беркшир со што би била нарушена нејзината безбедност.
Трошоците за безбедност за животот на Хаја ќе се плаќаат однапред, наместо годишно. Повикувајќи се на претходни пресуди, судијата нареди шеикот да плати над 250 милиони фунти однапред на Хаја и да обезбеди банкарска гаранција од 290 милиони фунти за годишна исплата.