Разузнавачка служба на Австрија приведе четири лица во истрагата за исламистичка мрежа, соопшти Министерството за внатрешни работи.
Апсењата следеа по индициите за можен напад врз црква во Виена и катедрала во германскиот град Келн. Управата за државна безбедност и разузнавање при МВР на Австрија во неделата соопшти дека во тек се распити на осомничените.
Засега не може да се даваат повеќе детали.
Германскиот весник Bild претходно објави за австриските апсења, како и за едно во Германија. На почетокот немаше потврда за ова. МВР во Виена соопшти дека безбедносната состојба во Австрија и низ Европа е тензична.
Затоа безбедносните служби презедоа мерки на претпазливост за време на божикните празници во форма на зголемен надзор и следење на јавните простори. Слични изјави вчера даде и полицијата во Виена. Засилени се безбедносните мерки и во катедралата во Келн.
