Во Велика Британија се откриени два случаја на Ласа треска, кај патници кои биле во Западна Африка, а здравствените служби веднаш го стиснале алармот бидејќи станува збор за многу опасна заразна болест, јавуваат британските медиуми.
Европските нулта пациенти веднаш биле ставени во изолација и се лекуваат.
Ласа треската честопати е смртоносна аренавирусна инфекција која се јавува главно во Африка, а може да влијае на повеќе органски системи.
Епидемии на Ласа треската досега имало во Нигерија, Либерија и Сиера Леоне. Оваа болест била внесена и во САД и во Обединетото Кралство. Резервоарот на вирусот е Mastomys natalensis, стаорец кој често живее во куќите во Африка.
Најважно од сè е дека за разлика од коронавирусот, Ласа треската нема пренесување на вирусот од човек на човек само затоа што сме блиску со некој што е заразен, па затоа ширењето на овој вирус е далеку побавно отколку во случајот со COVID-19.
Инкубацијата трае од 5 до 16 дена. Симптомите почнуваат со прогресивна треска, слабост, малаксаност и дигестивни симптоми. Може да се појават симптоми и знаци на хепатитис. Во текот на следните 3-4 дена симптомите напредуваат во болки во грлото, кашлица, болка во градите и повраќање.
Лекот рибавирин може да ја намали смртноста до 10 пати доколку со негова употреба се почне во првите шест дена од инфекцијата.
