Повик од пијан човек во Источна Германија ја довело полицијата до нацистичко дувло и олтар на Адолф Хитлер.
Вечерта на 21 декември, полицијата во Глаухау добила повик од 53-годишен маж кој бил во тешка алкохолизирана состојба и барал помош.
„По пристигнувањето, полицајците не наидоа на беспомошна ситуација во станот, туку затекнаа голем арсенал од ладни и огнени оружја. Особено забележителна беше декорацијата налик на олтар во дневната соба, накитена со портрети и симболи од времето на националсоцијализмот“, стои во соопштението на саксонската полиција.
Пијаниот маж истата вечер бил однесен во болница, а наредниот ден полицијата спровела темелен претрес на неговиот дом, со екперти кои востановиле прекршување на законот за поседување оружје. Дел од оружјето било и запленето.
Според полицијата, сопственикот, кој нема криминално досие, се однесувал рационално и доброволно се откажал од добар број на предметите, вклучително и нацистичките.
Истрагата и натаму ќе продолжи.
Последниот германскиот министер за внатрешни работи во владата на Ангела Меркер, Хорст Зехофер, неодамна изјави дека крајниот десничарски екстремизам и антисемитизмот остануваат клучни предизвици за земјата, со тоа што бројот на луѓе со екстремни гледишта постојано расте: 23.604 прекршоци поврзани со екстремната десница беа регистрирани во 2020 година, што е зголемување за 5% во однос на 2019 и е највисока стапка од 2001 од кога почна да се прави ваква статистика. Зехофер тогаш рече дека ваквите бројки демонстрираат брутализација на општеството.
Растот на неонацизмот во Германија е тесно поврзан го големиот број на имигранти кои се населуваат во земјата, а добар дел од етничките Германци се чувствуваат загрозени особено од доселениците кои не се вклопуваат во германското општество, се со друга религија и лошо го владеат герамнскиот јазик, по што спас бараат во екстремната десница.