Во најпознатиот град во Обединетите Арапски Емирати е отворена импресивна библиотека, чија зграда е во форма на рахла, односно штанд за чување на Куранот, и чии услуги се целосно роботизирани.
На прашањата на посетителите одговара робот, а процесот на издавање книги е автоматизиран. На покривот на зградата има прозорци, што овозможува внатре да има многу природна светлина. Ова ја намалува потрошувачката на електрична енергија, која исто така е потребна за осветлување на просторот.
За наводнување на зелените површини библиотеката користи вода акумулирана од системот за климатизација. Има и соба која е исклучително тивка и удобна, а наменета е пред сѐ за лицата со аутизам и оние на кои им е потребна добра концентрација при читањето. Библиотеката е најголемиот културен центар во овој дел од светот.
Има 1,1 милион печатени и дигитални книги. Изложени се и музички партитури, вредни копии на весници од целиот свет, како и вредни збирки. Меѓу нив е и копија од единствениот примерок на Куранот, атласи и ракописи кои датираат од XIII век. Изградбата на библиотеката во Дубаи чинеше 270 милиони долари.
Во меѓувреме, Пекинг се подготвува да отвори библиотека сместена во шума.
Неговиот концепт е дизајниран така што посетителите можат да се движат каде било, да изберат книга и да седат каде што е најудобно за читање.
