Нов вид праисториски џиновски носорог, еден од најголемите цицачи коишто некогаш постоеле на Земјата, е откриен на северозападот на Кина, објавија научниците.
Станува збор за Paraceratherium linxiaense којшто живеел пред 26,5 милиони години и тежел 21 тон, колку што тежат четири големи африкански слонови.
Со главата можел да достигне висина од седум метри за да јаде од дрвјата, што го прави повисок од жирафа. Ова се дел од заклучоците донесени од откриените фосили во северната кинеска провинција Гансу.
Во студија објавена во Communications Biology, истражувачите велат дека со анализа на фосилите пронајдени во 2015 година, заклучено е дека припаѓаат на нов вид поинаков од досега познатите џиновски носорози.
Новиот вид е сличен со џиновските носорози коишто некогаш живееле во Пакистан, што сугерира дека се движеле во делот на централна Азија.
