Станбената зграда низ која поминува метро навистина постои и се наоѓа во градот Чончин (重庆).
Низ станбената зграда од 19 ката не само што поминува лесен патнички воз, туку таму има и постојка. Така, жителите во становите едноставно можат да одат на шести или осми кат каде што ќе можат да го чекаат своето превозно средство.
Овој град стана туристичка атракција откакои многумина почнале да доаѓаат за да се уверат дека оваа метро станица Лизиба навистина постои и секојдневно без проблеми функционира. Линијата 2 од ова веќе популарно метро нуди уникатно искуство на возење кога е јавниот превоз во прашање, а нуди и прекрасен поглед на градот и блиската река.
Градот Чончин, кој се наоѓа во Југоисточна Кина, е голема метропола со 49 милиони жители, па архитектите и урбанистите станале навистина креативни во креирањето на коегзистенција на транспортни и станбени проекти во овој кинески град.
Станицата Лизиба има два влеза и излеза, зафаќа површина од 3.100 метри квадратни и градежна површина од 6.000 метри квадратни. Се состои од два дела: долниот дел е стационарна зграда од 7 ката, а на врвот на станицата има две станбени згради од 11 ката.
Оваа станица е отворена во 2005 година. При нејзината изградба била употребена специјална опрема за намалување на бучава за да се изолира станицата од околните станови.
Спротивно од некои погрешпни тврдења, станицата и зградата биле заедно изградени како цела структура. Моношината не била изградена низ средината на веќе постоечка структура.
