Учесници од десет земји ги донесоа своите роботи во Казањ за да учествуваат во судирот на челик и памет.
Десетици учесници се собраа во Централна Русија за да учествуваат во „Battle of Robots“ натпреварувањето што се одржа како дел од иновативниот турнир „Games of the Future“.
Натпреварот за челик и технологија започна во градот Казањ во неделата, а 16 тимови од Русија, Кина, Индија, Иран, Белорусија, Казахстан, Бразил, Чиле, Еквадор и Обединетите Арапски Емирати донесоа свои роботи.
Целта на натпреварот е да се нанесе што поголема штета на противничкиот робот, идеално целосно да се оневозможи или да се преврти. Доколку и двата робота останат активни до крајот на триминутната битка, победува тимот што ќе освои повеќе поени за нанесување штета и кој покажал поголема агресија и контрола. Турнирот се игра по нокаут формат.
Според правилата, роботите не смеат да тежат повеќе од 113,5 килограми, да имаат брзина од најмалку 8 км/ч, да имаат тркала или нозе и можат да се тркалаат, ползат или летаат, со одредени ограничувања на нивните димензии. Секој тим може да брои најмногу пет члена.
Во пракса, конкурентните роботи со далечинско управување имаат дизајн со широк опсег. Тие маневрираат и се судираат со голема брзина во правоаголна арена, испраќајќи метални фрагменти и разни делови да летаат во сите правци.
Зборувајќи за RT, членка на „Energy Girls“, единствениот целосно женски тим на натпреварот, истакна дека битката досега била тешка. „Се надевавме дека ќе победиме. Но, всушност, сите тимови се многу силни. Така што исходот воопшто не е предвидлив“, рече таа, додавајќи дека и покрај тоа што се ривали, многу тимови се во пријателски односи.
„Battle of Robots“ е дел од турнирот „Games of the Future“ (Игри на иднината), кој опфаќа 21 дисциплина и се одржува во Казањ од 21 февруари до 3 март. Тоа е првиот меѓународен „фигитален“ (физички и дигитален) настан кој ги комбинира конвенционалните и електронски спортови. На натпреварите учествуваат над 2.000 спортисти од различни земји ширум светот.
Љубителите на ситкомот „The Big Bang Theory“ веднаш ќе се седат на епизодата кога Шелдон, Ленард, Хауард и Раж го направија својот робот Монти токму за ваква борба, но не ни дојдоа до турнирот бидејќи Монти им беше уништен во „уличната“ пресметка со роботот на Бери Крипки.
