Правилниот избор на храна пред и после вежбање може да ги подобри вашите резултати и побрзо да ве доведе до посакуваната цел. Затоа, немојте да мислите дека не е важно што консумирате само затоа што тие калории ќе ги потрошите со некаква физичка активност.
За да не предизвикате стомачни проблеми, подобро е да избегнувате да јадете некоја храна пред напорен тренинг. Исто така, важно е да не се прејадувате со храна пред тренинг и да јадете јаглехидрати.
Така, пред вашата планирана физичка активност, можете да јадете леб со интегрални житарици, а можете да го додадете и вашиот омилен вид џем и малку путер од кикиритки. Тој додава доза на протеини што помага да се чувствувате сити, што може да ви помогне да се изборите со желбите и прејадувањето после вежбање. Исто така, јадењето мали количини кикиритки може да помогне во одржување на здрава тежина.
Друг одличен оброк пред тренинг е овесната каша со млеко и додадено овошје, но со помалку маснотии. Добар избор за оброк пред тренинг е смути со овошје и јогурт и комбинација од јаткасти плодови и суво овошје. Меѓутоа, доколку немате време пред тренинг, можете да изедете банана или јаболко.
Кога ќе завршите со вежбање, најдобро би било да продолжите со внесот на јаглени хидрати, но со зголемен внес на протеини. Некои од предлозите за оброци кои се идеални после тренинг се јајца, мисирка или пилешко со додаток на ориз или леб од цели зрна. Исто така, не заборавајте на зеленчукот како извор на влакна.
Доколку немате време за готвење, добар избор се и овошјето во комбинација со свежо овошје или чоколадно млеко кое има идеален сооднос на јаглехидрати и протеини.
Она што треба да избегнувате е мрсна храна бидејќи на вашето тело му треба повеќе време за да ги свари мастите.