Volkswagen нема веќе да ѝ дише на Tesla во врат, го враќа Golf

Во моментов Volkswagen го одложува исклучително скапиот проект Trinity.

Тешки денови за новиот шеф на Volkswagen. Оливер Блуме седна на „жешкото столче“, заменувајќи го Херберт Дис кој во исто време му се восхитуваше на Илон Маск и се огледуваше на Tesla. Дис сакаше да ја достигне Tesla, па, меѓу другото, беше лансиран и исклучително ветувачкиот проект Trinity.

Новиот модел со продолжен опсег и опремен со автономно возење на ниво 4 требаше да се произведува во нова фабрика во близина на Волфсбург чија вредност се проценува на дури две милијарди евра. Почетокот на изградбата на фабриката е планиран за пролет следната година, а производството првично требаше да започне во 2026 година. Сега тоа е само сон бидејќи официјално се најавува одложување од најмалку три години.

Поверојатно е дека тоа ќе се случи во 2030 година, а едно од оправдувањата на Блуме е признавањето дека новиот софтвер за автономно управување нема да биде готов навреме, пишува Manager Magazin. Автомобил со долг домет и опремен со систем за автономно возење останува во игра, дознава Reuters, но се прават обиди да се најдат опции во рамките на постоечките ресурси.

Доцнењата го комплицираат обидот на VW да ја достигне американската компанија Tesla и откриваат предизвици за најголемиот европски производител на автомобили, од преуредување на фабриките до поправање на софтверски грешки што ги фрустрираа возачите на неговите електрични автомобили.

Со изградбата на новата фабрика, Volkswagen сакаше да ја подобри продуктивноста и да ја достигне Tesla. Имено, на Tesla ѝ се потребни 10 часа за да го произведе Model Y во својата фабрика во близина на Берлин, додека на Volkswagen му треба трипати повеќе време за производство на ID.3.

Според неименувани извори во Volkswagen, Оливер Блуме мора да се откаже од многу цели што ги постави Дис, а кои не се остварливи.

Враќање на Golf

Се зборуваше дека осмата генерација на Golf нема да добие наследник, но последните информации покажуваат дека Volkswagen нема така лесно да се откаже од сè уште популарното име.

Како што дознава германски Handelsblatt, по напуштањето на (пре)скапиот проект Trinity, многу поверојатно звучи идејата за електрични верзии на постоечките модели на платформата MEB. Најголеми шанси имаат електричните верзии на Golf и Tiguan, кои би се произведувале на линиите каде што сега се склопуваат верзии придвижувани од конвенционални мотори.

Новиот електричен Golf би можел да пристигне на патиштата во 2026 година, кој побезболно би ги пречекал понапредните модели на платформата SSP, кои нема да се појават до крајот на деценијата.

За потсетување, Volkswagen го лансираше e-Golf во 2014 година и го задржа во понудата до 2020 година, кога ID.3 излезе во продажба. Продажбата на Golf во првите девет месеци од годинава изнесува 132.989 примероци, што е значително помалку од 177.963 примероци од истиот период лани. Истото важи и за Tiguan, чија продажба падна од 140.052 на 102.272 примероци.

Кога станува збор за новата генерација, таа исто така би можела да се задржи, барем кога е името во прашање. Томас Шефер, извршен директор на Volkswagen,на Саемот за автомобили во Лос Анџелес изјави дека нема шанси да се напушти легендарно име како што е Golf. Затоа дефинитивно останува во понудата, ќе биде електричен, а некои веќе го нарекуваат ID.Golf.

Тагови
реклама

Што се случува со телото ако немате секс со месеци или години

Read more

Онколог советува кои се најчесто игнорираните симптоми што укажуваат на рак

Read more

Илон Маск стави точка

Read more

Навики што го убиваат тестостеронот во модерниот маж

Read more

Авто новости

Познати финалистите за наградите Светски автомобил на годината

Read more

Колку повеќе гориво ви троши автомобилот на минусни температури?

Read more

BMW не се откажува: „Бубрезите“ уште повеќе ќе растат

Read more

Ferrari најави 4 нови модели за годинава

Read more
 

Автомобили

  • play_arrow

Познати финалистите за наградите Светски автомобил на годината

Читај повеќе

Колку повеќе гориво ви троши автомобилот на минусни температури?

Читај повеќе
  • play_arrow

BMW не се откажува: „Бубрезите“ уште повеќе ќе растат

Читај повеќе

Ferrari најави 4 нови модели за годинава

Читај повеќе
  • play_arrow

Како се чува и вози автомобил на -50°C?

Читај повеќе

Golf двојка се шитна за рекордни 87.000 долари

Читај повеќе

BMW и Volkswagen објаснија зошто се против стандардот Euro7

Читај повеќе

Бонус од 13.500 евра за работниците во Ferrari

Читај повеќе

Како се покажа Tesla Model S во зимски услови?

Читај повеќе