Седиштата во некои возила имаат неколку степени на греење и ладење, а претерувањето може да предизвика хронични проблеми.
Заедно со кожните седишта во денешните модели, по правило доаѓа и греењето, функција која особено ја цениме во зима. Благодарение на греењето на седиштата, ќе се загрееме пред да се загрее кабината на возилото.
Нешто поретко, автомобилите (најчесто оние од висока класа) нудат и можност за ладење, односно вентилација на седиштата.
Покрај пријатното чувство во летните и зимските месеци, може да има и долготрајни непријатности кои ќе ги лекувате со години. Уролозите најдобро знаат што е тоа, без разлика дали се работи за мажи или жени.
На пример, не е добро постојано да дувате ладен воздух од вентилацијата за време на долго патување. Оние кои имаат проблеми или сакаат да ги избегнат, ќе стават ќебе или маица преку нозете и другите чувствителни делови од телото за да го заштитат мочниот меур, а мажите за да ја заштитат простатата.
Покрај вентилација/клима, многу модели имаат седишта со дополнителни функции, како што се греење и ладење. Иако се работи за пријатни додатоци во автомобилот, кои ја зголемуваат удобноста при возењето, последиците можат да бидат тешки и трајни, доколку претерате со нивната употреба, што го потврдуваат и уролозите.
Некои седишта во возилата имаат неколку степени на греење и ладење, а претерувањето може да предизвика хронични заболувања. На пример, ладењето на седиштето може да предизвика болести како што е простатитис.
Значи, сите кои имаат проблеми со хронично воспаление на простатата мора да внимаваат кога користат ладење на седиштата и климатизација. Простатата не трпи да патувате 10 часа без никаков прекин и да не уринирате.
Препораката на урологот е да се прави пауза за да се оди во тоалет барем на секои два часа. Секако, тоа ќе биде добро и за целото тело - 'рбетот, нозете, рацете, вратот, циркулацијата на крвта, мозокот…
Од друга страна, загревањето на седиштата може да има благотворно дејство и добро да влијае на мочниот меур и простатата, но треба да внимавате и на интензитетот на загревањето, бидејќи се знае дека високата температура не е добра за тестисите.
Покрај тоа, високите температури во нашето тело може да доведат до потење, а кога се спојат влажното и топлото, резултатот често се осип и појава на габична инфекција. Доколку веќе имате мали ранички на телото, а потоа загревањето на седиштето предизвикува потење, големи се шансите да ја влошите ситуацијата.
Габична инфекција може да се појави и да се влоши во некои ткива и набори на телото.
Поради сето горенаведено, греењето и ладењето на седиштето треба да се користат разумно и умерено.