Синоќа ФИФА го репризираше легендарниот натпревар од Мундијалот во 1990 помеѓу Западна Германија и Холандија на кој се случи и познатиот инцидент помеѓу Франк Рајкард и Руди Фелер.
„Ако плукнам, ќе ми ја земат плуканицата и ќе ја урамат како големо ремек дело“, рекол Пабло Пикасо во една прилика.
Но, никој не ни помислувал дека и 30 подини подоцна сѐ уште ќе се зборува за плуканицата на Франк Рајкард, која стана легендарна.
Во осминафиналето од Светското првенство во Италија силите ги одмерија тогаш актуелниот европски шампион Холандија и гигантот Западна Германија, еден од главните претенденти за титула која подоцна и ја освои. Ривалството почна уште на Мундијалт 1974 кога играа една против друга во големото финале, но ривалството на овие две генерации почна во полуфиналето од ЕУРО 1988 кое се играше токму на германско тло, а победи Холандија.
Веднаш потоа, како за беља, жрепката ги смести во иста група и во квалификациите за Мундијалот во 1990. Без голови во Западна Геарманија, 1:1 во Холандија.
Во Милано, превирањата почнаа уште пред почетокот на натпреварот кога навивачите на двете страни само ја погреаја атмосферата со навреди за време на интонирањето на химните. На аргентинскиот судија Хуан Карлос Лусто му беа доволни само 22 минути игра за и на двајцата да им покаже црвен картон и да ги испрати прерано во соблекувалната. Тие се буткаа, се пцуеја и се плукаа, а во она последното предничеше Холанѓанецот.
Кога Фелер беше фаулиран за првпат од Рајкард, холанѓанецот прво пожолте, а потоа го плукна по косата.
Потоа при еден слободен удар од страна на Германците, Фелер трчаше по топката до која прв стигна холандскиот голман Ханс ван Бројкелен, а Фелер не го избегна контактот по што падна на земја. Веднаш дотрча Рајкард кој го потегна за коса обвинувајќи го дека сака да одлуми фаул за пенал. Судијата ги исклучи двајцата по што следуваше ново плукаше од Рајкард. Двајцата излегоа надвор од теренот, но брканицата и навредите продолжија.
За плуканиците на Рајкард, а поради пуцвалската фризура на Германецот, се велеше дека Фелер ќе треба со денови да се тушира за да го исчисти подарокот од Холанѓанецот.