Вучиќ: Денес во Брисел всушност уште еднаш ништо не се случи

Денес всушност уште еднаш ништо не се случи, верувам дека нашите пријатели од Скопје и Тирана заслужуваат да добијат отворање на почетокот на преговорите со ЕУ и верувам дека до тоа ќе дојде што е можно поскоро, што не е прашање на молба, оти и двете земји сработија сè што е побарано од нив и навистина треба да го добијат заслуженото, изјави српскиот претседател на прес-конференцијата во Брисел по завршување на состанокот на лидерите на Западен Балкан и ЕУ, јави дописникот на МИА од Белград.

Тој им се заблагодари на премиерите на Северна Македонија, Димитар Ковачевски и на Албанија, Еди Рама за фер односот кон Србија на денешниот состанок и изјави дека е неопходно да се прифати предлогот на францускиот претседател Емануел Макрон за Европската политичка заедница.

– Само така може да се слушне нашиот глас и почесто да ги слушаме другите, европски колеги.-Верувам дека заедно со Европската политичка заедница која може да биде многу значајна за нас, ќе можеме сите заедно да решиме одредени прашања, особено тешките прашања за Северна Македонија и Албанија, а во меѓувреме ќе се обидеме да го зголемиме нивото на соработка меѓу нашите земји, да ги подобриме односите и да видиме што може да направиме повеќе за нашите граѓани, за меѓусебните туристички посети, за работните дозволи и останатото од иницијативата на Отворен Балкан, што е идеја пред се на овие три земји, што секако дека не е забрането, изјави Вучиќ.

Според него, на состанокот имало добра дискусија и немало конкретни резултати за Западен Балкан.

– Ако можам да преведам она што ни беше важно денеска и ако анализирате, немаше конкретни резултати за Западниот Балкан и имавме добра дискусија. Никогаш не би потценил такво нешто. Ако ме прашате дали Македонија и Албанија добија датуми за почеток на преговори – не, Приштина не доби визна либерализација, БиХ не доби кандидатски статус… Бевме критикувани од многу членки за санкциите и тоа е тоа. Тоа е она што се случи ако сето тоа се сумира во конкретни ставки. Но, во политиката не секогаш се работи за конкретни работи. Сакаме да изградиме доверба, од таа гледна точка, мислам дека ова е важен состанок и дека Самитот беше добар, оцени Вучиќ. 

Премиерот на Албанија Еди Рама денеска во Брисел, по самитот на лидерите на ЕУ и Западен Балкан, изрази разочарување од односот на Унијата кон европската интеграција на регионот, наведувајќи дека не е проблем само Бугарија, туку и дека ЕУ е уморна на проширувањето, јави дописничката на МИА од Тирана. 

На заедничката прес-конференција со лидерите на Србија и Северна Македонија, Рама рече дека Северна Македонија чека 17 години да се отворат преговорите за членство во ЕУ, а Албанија осум години.  

 – Од една заедничка визија и заедница, ЕУ стана инструмент за поединечни членки да запрат нешто. Приказната со Бугарија е срамота. Едната земја наметнува нешто свое, а другите 26 не можат ништо да направат околу тоа. Има многу наводи дека (рускиот претседател Владимир) Путин е болен, но не можам да кажам дека оваа куќа овде изгледа здраво, изјави Рама. 

 Тој апелираше до лидерите на ЕУ да не ја убиваат вербата на Албанците во европската иднина, наведувајќи дека неговата земја ќе остане на европскиот пат со верба дека ќе стане дел од ЕУ.

Рама изрази жалење и што ЕУ сè уште не го либерализирала визниот режим за граѓаните на Косово.   

Албанскиот премиер повтори дека ЕУ треба да има разбирање за Србија и дека не е добро да се бара од Белград да се приклучи на сите санкции што ги воведе кон Русија.  

Рама рече дека „реалноста е сосема поинаква“ во Србија и дека на средбата со европските лидери „се обидел да објасни“ дека 80 отсто од српските граѓани го поддржуваат рускиот претседател Путин.

реклама

Луѓето се ужасни: Разочарувачка фотографија од една од најубавите плажи во светот

Read more

Опасни секс пози: Пенисот нема коска, но може да се скрши

Read more

12 август 30 п.н.е. - Клеопатра се самоубила по поразот на Марко Антониј од Октавијан

Read more

Четири хороскопски знаци на кои есента им носи многу пари

Read more

Регион

Во кафуле во Подгорица келнерите носат униформи со Z

Read more

11 август 1945, Југословенките се избориле за право на глас

Read more

Бугарија објави тендер за дел од автопатот кон границата со Северна Македонија

Read more

Граѓаните на земјите од Отворен Балкан ќе може да работат без визи и работни дозволи

Read more
 

Вести

МААЕ: И покрај гранатирањето, нема ризик за безбедноста на нуклеарката Запорожје

Читај повеќе

ЈО: Истрага за измама на пациенти во приватна клиника

Читај повеќе

Мехмедовиќ: Кичевчанецот е тестиран за мајмунски сипаници, во моментов е во изолација

Читај повеќе

Бесплатна филмска проекција за загревање за 13. МакеДокс

Читај повеќе

Уапсен жител на Василево осомничен за обљуба врз малолетничка

Читај повеќе

Нови 619 случаи на COVID-19 од 1.253 тестови и 803 оздравени пациенти

Читај повеќе

Жан Митрев повикан на распит во ОЈО Скопје

Читај повеќе
  • play_arrow

„Ведет“ на МакеДокс: Како се однесуваме кон животните кажува многу за тоа како се однесуваме кон луѓето

Читај повеќе

Дисциплински мерки за несоодветно постапување на полициски службеници со новинарката Клинчарова

Читај повеќе