Претседателот на Србија, Александар Вучиќ, по средбата со генералниот секретар на НАТО, Јенс Столтенберг, изјави дека во иднина ќе се обиде да има најдобра можна комуникација со НАТО, како и дека го информирал Столтенберг дека во ризик се само Србите во Косово и дека во последната година 13% од нив го напуштиле Северно Косово поради малтретирање и притисок од режимот во Приштина.
„Повеќе од еден и пол час разговаравме за сите важни прашања и за нас е исто така важно што кажа Столтенберг и што можам да потврдам – соработката со НАТО и КФОР, со надеж дека колку што е можно, ќе обезбедиме безбедност за српскиот народ во Косово“, рече Вучиќ.
И кога Столтенберг вели дека КФОР обезбедува мир и безбедност за сите заедници во Косово – нема потреба да се обезбеди мир и безбедност за никој друг, освен за Србите, кои беа единствените загрозени или нападнати, рече Вучиќ.
Тој посочи дека само Србите биле нападнати од 2001 година, особено откако Албин Курти е на власт.
