Компанијата Xiaomi на социјалната мрежа Weibo најави нова технологија на батерии.
Станува збор за технологија на која тимот на Xiaomi работи веќе подолг период, а треба да биде достапна наредната година. Компанијата успеа да ја зголеми силиконската содржина во внатрешноста на батеријата за три пати.
Во истата големина на батеријата може да има 10% повеќе mAh и можат да понудат до 100 дополнителни минути издржливост само со едно полнење.
Xiaomi исто така ја опреми новата батерија со чип кој работи на напредни алгоритми, а со тоа се зголемува безбедноста и трајноста благодарение на полнењето преку ноќ. Како новата технологија ќе ја контролира и температурата, засега не е познато.
Масовното производство на новите батерии на Xiaomi треба да започне во втората половина на наредната година.
