Најмалку 130 станбени згради се оштетени во силната сеизмичка активност во Ел Салвадор, предизвикани се свлечишта, а повеќе луѓе се евакуирани во засолништа, соопштија властите на оваа централноамериканска земја.
Како што се наведува во соопштението, од неделата попладне до понеделник наутро се регистрирани 219 земјотреси, а најсилниот бил со јачина од 5,1 степени според Рихтеровата скала, на длабочина од 9 километри, во општината Сан Лоренсо.
Нема информации за загинати, но потресите оштетија домови и предизвикаа најмалку 20 свлечишта, поради што властите издадоа црвен аларм за градовите во епицентарот на сеизмичката активност.
Ел Салвадор е република во Централна Америка, лоцирана помеѓу Хондурас и Гватемала, а на југ излегува на Пацификот. Со територија помала од Македонија (21,041 км²), има 6,5 милиони жители, а главен град е Сан Салвадор.
