Пробајте го овој турски рецепт за месо и зеленчук потпечени со бешамел сос и кашкавал.
Балканците не можат да го замислат ручекот без месо, а воглавно се вртат истите јадења. Идеите никогаш не се доволни, па затоа ви предлагаме одличен турски рецепт за месо и зеленчук печени со бешамел сос и кашкавал. Многу лесно се подготвува, а вкусот е фантастичен.
Потребни состојки:
- 650 гр говедско месо
- 50 мл масло
- 2 кромид
- 2 црвени пиперки
- 3-4 зелени пиперки
- 500 гр печурки
- 3 чешниња лук
- 1 ловоров лист
- 1 лажица доматна паста
- 1 лажичка сол
- ½ лажичка бибер
- ½ лажичка лута пипер
- ½ чаша вода
- 1 чаша рендан кашкавал
- копар (опционално)
за бешамел сосот:
- 1½ лажица путер
- 1½ лажица брашно
- 2 чаши млеко
- морско оревче (опционално)
Подготовка:
Месото исечкајте го на ситни коцки, па ставете го во тенџере. Истурете топла вода додека не го покрие месото, па покријте (но не целосно) и варете додека не испари целата вода.
Потоа во месото додадете исечкан кромид, ловоров лист и масло, па измешајте. Пржете додека кромидот не омекне, а потоа додадете сечкан лук и пиперките. Сè добро измешајте. Пржете додека пиперките не омекнат. Потоа додадете ја доматната паста, сол, бибер, посипете со лута црвена пипер и измешајте. Намалете го огнот и пропржете уште неколку минути, а потоа додадете ги сечканите печурки. По 5 минути, истурете чаша топла вода и промешајте. Покријте и динстајте уште 7-8 минути. Потоа извадете го ловоровиот лист и оставете го месото на страна.
Во тенџере растопете го путерот, а потоа додадете го брашното и пропржете додека не порумени. Постојано мешајте, па истурете го млекото и убаво измешајте. Гответе додека не се згусне сосот, а на крајот посолете и побиберете. Ако сакате, додадете малку морско оревче и измешајте.
Смесата од месо и зеленчук можете да ја истурите во помали садови, а можете да ја истурете и во поголема тава. Прелијте со бешамел сосот, па посипете со рендан кашкавал. Се пече во загреана рерна на 200°C околу 20 минути. Пред сервирање украсете со свеж копар или зеленило по избор.
