Иако се наоѓа речиси на секоја контролна табла во сите автомобили, мала е веројатноста дека некогаш сте се запрашале за што служи малата стрелка во просторот каде се покажува количеството на гориво кое ви е на располагање.
Имено, овој многу ситен детал може да ви биде од огромна корист кога патувате, а не сте со своето возило, туку сте позајмиле од пријател или можеби сте земале рент-а-кар.
Изборот не е голем. Стрелката може да биде позиционирана на левата или на десната страна, а само насоката кон која е насочена ѝ дава смисла на нејзината улога.
Оваа стрелка покажува на тоа на која страна од автомобилот се наоѓа отворот од резервоарот од каде можете да наполните гориво. Едноставно, нели?