Го вадите омиленото парче облека штотуку испрано од машината за перење и има што да видите: цело е со мали бели парченца. Тогаш ви текнува дека сте заборавиле да ги проверите џебовите да не има нешто останато.
Едно од главните правила кога станува збор за перење алишта во машина е да се проверат џебовите пред облеката да ја фрлите во барабанот. Хартиените марамчина се многу корисни, но често се забораваат во џебовите и на тој начин случајно завршуваат во машината за перење заедно со сета облека. Можеби некому се чини небитна работа, но тоа е само за оние кои никогаш не ваделе ситни парченца хартија од дуксери, пантолони, џемпери... проблем кој знае да биде страшно фрустрирачки и одзема многу време.
Ширум интернетот се наоѓаат решенија и за овој проблем. Едно е токму од добропознатата експертка за чистење, Mrs Hinch. Таа советува доколку ви се случи ваков наред да користите четка за заби. Со неа лесно тријте на облеката каде се залепиле парченцата марамче и тие полека ќе се извлечат.
Иако се чини дека вадењето марамчиња од џебовите е небитна работа, тоа всушност може да направи разлика во траењето на облеката. Доколку оставите марамче в џеб и облеката ја исперете сосе него, тоа може да предизвика оштетување на ткаенината или дури и распаѓање на џебот. Затоа е важно да се проверуваат џебовите пред да ги ставите во машината.
