На почетокот може да биде непријатно и на едниот и на другиот партнер заедно да гледаат порно филмови, но само на почетокот. Сепак, најдобро е оваа активност да не стане навика, сметаат сексолозите.
Порно филмовите се дел од реалноста во која живееме, а за нив постојат различни мислења. Некои сметаат дека не се здрави и можат да наштетат на врската, а други дека консумацијата на ваквиот жанр на филмови има позитивно влијание на многу работи.
Blood and Milk разговараа со едукатори и експерти за секс, со цел да одговорат на често поставувани прашање на оваа тема.
Експертите велат: Гледајте ако сакате. Секс терапевтката и експертка за љубовни врски Шадин Френсис објаснува дека заедничкото гледање порно филмови е совршена прилика да ги откриете и изразите вашите фантазии.
Сексуалната едукаторка Амбер Малери вели дека е тоа здраво и за двајцата.
На почетокот можеби ќе ви биде непријатно додека гледате заедно, но тоа е во ред. Може да разговарате за тоа и да не се срамите од вашите фантазии и желби.
Без разлика колку долго сте заедно, секогаш треба да разговарате за сексуалните желби кои во овој случај вклучуваат гледање порно филмови заедно, нешто што може да донесе позитивни промени во вашиот сексуален живот.
„Да се има отворена комуникација во врската е многу важно и овозможува директно да прашате некои непријатни прашања без да се воздржите“, вели Малери и како примери за директен начин ги дава следните прашања:
„Би сакал да гледам еротски филм со тебе, ако си заинтересирана. Вчера гледав навистина добар порно филм, може да ти го покажам?“ и слично.
Сексуалната терапевтка Линдзи Девин вели дека може и да разговарате за тоа каква улога имаат порно филмовите во животот. Некои се прашуваат дали постојат проблеми ако партнерите не можат да се возбудат без гледање порно филмови, а експертите велат дека не е ништо страшно, но во секој случај претерувањето во гледање вакви филмови може да има негативно влијание.
Затоа, добро е одвреме-навреме малку да ги зачините работите во спалната соба, па препорачуваат заедничкото гледање порно филмови да не премине во навика.
