Авиокомпаниите преземаат бројни мерки за сузбивање на пандемијата на коронавирус и да го обноват летањето.
Сепак, некои од мерките може да ги налутат патниците, бидејќи некои авиокомпании ќе побараат од покрупните патници да се измерат на лице место или да донесат документ што ја потврдува нивната моментална тежина.
Неодамнешниот предлог, испратен до советодавниот дел на Федералната администрација за авијација, се обидува да обезбеди податоци за тежината на одредени патници, бидејќи, како што се наведува, сегашните документирани бројки не ги поддржуваат оние што се во согласност со стапката на дебелина во Соединетите Американски Држави.
Ова истражување треба да осигура дека авионите, особено помалите, не ја надминуваат стандардната дозволена тежина за непречено функционирање на авионот.
Поедноставно, Федералната администрација сака да открие колку Американците се здебелиле во последно време, со цел да спречат потенцијално оштетување на авионот за време на полетувањето, бидејќи телесната тежина значително влијае на тоа.
Според препораката во објавата на специјализираната публикација AirInsight , од авиокомпаниите ќе биде побарано да направат истражување, со кое би се утврдила „просечната телесна тежина на патниците“. Ова истражување ќе важи за патниците и екипажот на авионите, а испитаниците ќе бидат избрани по случаен избор. Исто така, тежината на куферот на патникот ќе биде вклучена во вкупната просечна тежина што може да ја поднесе авионот.
Со цел да се добијат валидни резултати од истражувањето, патниците, пред да се качат во авионот, треба да се измерат, односно да застанат на вага, со цел да се утврди нивната тежина.
Доколку одредена авиокомпанија не може да обезбеди услови за мерење на телесната тежина на патниците, работниците на таа компанија ќе бидат обврзани да го прашаат секој поединечен патник, пред качување, која е нивната тежина, додавајќи 5 килограми за гардероба.
Иако телесната тежина е дел од приватноста на секоја индивидуа, авиокомпаниите се потрудија да ја задржат бројната вредност на телесната тежина на секој поединец недостапна за пошироката јавност, па ќе биде позната само за анкетарите.
За среќа, од патниците нема да се бара да ја прифатат оваа анкета, сепак, повеќето авиокомпании препорачуваат да учествуваат во овие истражувања, со цел да се добијат поверодостојни резултати од истражувањето.
Со цел да се подобрат упатствата за „просечната тежина на патникот“, авиокомпаниите ќе треба да ја зголемат просечната тежина на возрасен маж и рачен багаж на 87 кг во лето и 89 кг во зима, што би значело дека стандардната граница е поместена за 10 кг.
Што се однесува до возрасните жени, сегашната граница ќе се движи од 66 кг на 81 кг во текот на летото, а во зима од 69 кг на 84 кг. Се разбира, тука е вклучена и тежината на рачниот багаж.