Во вчерашниот боксерски меч за WBF титулата во африканскиот шампионат во лесна категорија, беа забележани неверојатни сцени меѓу Симисо Бутелези и Сифесиле Мнтунгва.
Симисо го загуби разумот во моменти кога доминираше во рингот. Претходно, го притисна својот противник покрај рингот и се чинеше дека е на чекор до победа.
Судијата ги раздели двајцата боксери, а потоа следеше застрашувачки момент. Бутелези го изгуби разумот во рингот, се упати кон судијата па почна да боксува „во празно“. Се бореше со „невидлив ривал“ по што мечот веднаш беше прекинат. Поради сериозноста на ситуацијата, Бутелези веднаш бил однесен во болница.
Боксерот останал без свест во текот на турнирот, доживеал потрес на мозокот и е задржан на понатамошни испитувања.
За победник е прогласен Мнтунгва, но наградата не му беше врачена веднаш поради загрижувачкиот инцидент.