Земјотрес со јачина од 6,4 степени според Рихтеровата скала ја погоди Грција околу 11 часот и 25 минути. Се тресеше во морската област југоисточно од островот Крит, според проценката на грчкиот геодинамички институт.
Епицентарот на земјотресот бил на длабочина од 10 километри, на околу 40 километри од градот Сити. Земјотресот, освен на Крит, беше почувствуван и на Родос и други егејски острови. Сведоците велат дека бил многу силен и дека траел околу 15 секунди.
Црква на Крит се урна поради јачината на земјотресот. Градоначалникот на Сити рече дека градското собрание е оштетено, а имало и неколку свлечишта низ градот и неговата околина. Жителите на градот Хераклион и други области излегоа на улица во страв.
Погледнете ги снимките:
Сите сили на Крит се подготвени да интервенираат доколку е потребно. Земјотресот од 6,4 степени беше проследен со послаби земјотреси со јачина од 4,5 степени на Карпатос и 4 кај Закрос.
Да потсетиме, кон крајот на септември, Грција исто така беше погодена од земјотреси. Потоа едно лице загина, а илјадници луѓе мораа да спијат во шатори или во своите автомобили.
