Судот во Ел Салвадор осуди жена на 30 години затвор бидејќи морала да абортира поради медицински причини.
Според AP, жената е осудена на повеќегодишна затворска казна по обвинение за тешко убиство.
Група граѓани кои ја поддржуваат декриминализацијата на абортусот изјавија дека жената, идентификувана како Есме, била осудена во понеделникот. Таа беше во истражен притвор две години по апсењето кога побарала лекарска помош во државна болница, велат тие.
„Судијата беше пристрасен. Даваше поголема тежина на верзијата на државното правобранителство кое е полно со предрасуди и родови стереотипи. Есме ќе се жали“, велат тие.
Во Ел Салвадор е на сила целосна забрана за абортус, па затоа многу жени се уапсени и осудени на затвор за абортуси пријавени кај властите. Речиси 180 жени се кривично гонети во последните 20 години. Од 2009 година, владата ослободила само 64 жени.
