Популарната стриминг платформа Netflix тврди дека новата серија „Bridgerton“ ја гледале 63 милиони корисници ширум светот за само 28 дена, а најголеми обожаватели се жени на сите возрасти кои почнаа да си поставуваат некои прашања.
Ако имате Netflix и не сте ја гледале новата серија „Bridgerton“ - вие сте малцинство. Серијата е некаков хибрид меѓу популарната „Gossip Girl“ и романите на Џејн Остин и иако не ги освои критичарите, ги воодушеви обожавателите.
Иако заплетот не може да се пофали со некоја комплексна содржина, туку сето тоа се сведува на игри за заведување, серијата ја гледаа над 63 милиони корисници ширум светот за само 28 дена, пишува Variety.
Но, која е тајната? Иако е замислен како историска приказна, „Bridgerton“ носи аспекти на современата романса, воведувајќи врски од мешани раси и класи, невозвратена љубов, фатални врски и големи страсти – што досега се покажувало како рецепт за гарантиран успех.
Деталните костими, човечките интриги, па дури и дозата мистерија се доволни за да се навлечете, но она што ги тера гледачите да се залепат за екраните се жешките секс сцени, особено триминутната монтажа на сцени со младенците Дафне Бриџертон и војводата Сајмон Хејстингс.
Се чини дека обожавателките на серијата најмногу ги заинтригира начинот на кој е претставена женската сексуалност во серијата, односно, подготвеноста на војводата да ја задоволи сопругата „секогаш и секаде“, до откритието на Дафне за предностите на мастурбацијата.
Серијата за многу жени предизвика „будење“ на сензуалноста, но и преиспитување на нивите љубовни и сексуални врски. Некои од нив директно прашаа: „Зошто немам таква страст со мојот партнер?“ или „Со што сум се задоволувала јас досега?“
@ruethless anyways go watch #bridgerton #duke #dutchess #romance #wildestdreams
♬ Wildest Dreams - Duomo
