Жиру е избран за најдобар голман во последното коло од Серија А

Оливје Жиру викендов стана неочекуван херој на Милан и беше избран за најдобар голман во последното коло од Серија А.

Во деветтото коло од Серија А, Милан победи на гостувањето кај Џеноа со резултат 1:0, а херој на Росонерите не беше стрелецот Кристијан Пулишиќ, туку Оливје Жиру, кој беше во улога на голман на крајот од натпревар.

Во 90+9 минута од средбата, голманот на Милан Мајк Мењан, доби црвен картон поради дивјачки удар врз напаѓачот на Џенова, Калеб Екубан, а со оглед на тоа што Стефано Пиоли ги направи сите пет измени, еден од играчите мораше да застане на голот, а тоа беше Жиру.

Во последните секунди од натпреварот одбраната на Милан му дозволи на Жорж Пушкас да оди сам пред Жиру, но Французинот со фантастична интервенција го спаси својот гол.

Затоа Жиру беше избран во најдобриот тим на колото во Серија А, барем кога се работи за Фантакалчо или италијанската верзија на Фантази.

Она што е исто така интересно е што Милан ги пушти во продажба голманските дресови на Жиру, а залихите се распродадоа за само неколку часа, па Росонерите планираат да обезбедат нови количини на дресовите на херојот од минатото коло.