Раскинувањата никогаш не се лесни, ни за оној кој остава, ни за оној кој е оставен. Уште потешко е кога и двајцата сте решиле да се разделите, а уште имате чувства еден за друг.
Иако повеќето раскинувања се конечни и до тој чекор треба да дојдете со внимателно размислување, понекогаш временската и просторната дистанца е токму она што ни е потребно за да сфатиме што сме имале и то сме изгубиле.
Ако ги препознавате повеќето од овие знаци и однесувања кај бившиот/бившата, тоа значи дека уште ве нема преболено и најверојатно сака пак да бидете заедно. Сепак, најдобро би знаеле ако искрено разговарате со него/неа.
Само што поминало полноќ и е датумот на вашиот роденден, една од првите пораки со честитки е од него/неа. И тоа не обично „Среќен роденден“ на Facebook, туку лична, длабока и долга порака во која точно знае што да ви посака, бидејќи толку добро ве познава.
Ова е вистински знак дека уште сака да го привлече вашето внимание. Оние понезрелите можеби ќе ја злоупотребат приликата да предизвикаат љубомора, но ако ве вика на журките што ги прави, сака да ви покаже дека не пати, ама сака да ве види.
Ако секоја прилика кога ќе се видите или чуете ја користи да ви покаже дека се сменил/а на подобро, тоа значи дека сака да ви докаже дека е вреден/вредна за вашето внимание и време, особено ако една од причините поради кои сте раскинале била неговата/нејзината незрелост или неподготвеност на големи чекори.
Ова е малку очигледен, но сепак многу потребен знак дека му/ѝ недостигате и ве нема преболено. Луѓето кои ги прашува за вас се ваши блиски луѓе и тие добро знаат да проценат дали само сака да знае дали сте продолжиле понатаму или навистина е заинтересиран/а како ви е.
Еден „посуптилен“ знак дека уште му недостигате е објавувањето песни, цитати или фотографии што очигледно потсетуваат на времето што сте го поминале заедно и имаат врска со вас. Можеби и не сфаќа дека очигледен/очигледна, но ако и вие го забележувате тоа, тоа е знак дека можеби и кај вас уште тлее љубовта.
