Речиси е невозможно целосно да спречите пад на перформансите при топло време, но тоа не значи дека има проблем со вашето возило.
Исто како и луѓето, автомобилите тешко поднесуваат топлина или екстремни температури. Во зима, потребно е повеќе време за сите течности и делови во моторот да достигнат работна температура, па потрошувачката на гориво се зголемува. А во лето?
Нема проблеми со постигнување на работната температура, но има со ефикасноста на моторот, односно постигнување моќност. Моторите се потпираат на добро дефиниран сооднос воздух-гориво за да работат ефикасно. Премногу или премалку гориво е проблем, а ECU (контролната единица на моторот) ја следи количината и квалитетот на воздухот што влегува во доводот и го прилагодува горивото.
Ладниот воздух е погуст од топлиот. Тоа значи дека во лето моторот вшмукува воздух со помал волумен на кислород, согорувањето во цилиндрите не е оптимално и затоа ја губи моќноста.
Речиси е невозможно целосно да спречите пад на перформансите при топло време, но тоа не значи дека има проблем со вашето возило. Исто така, употребата на клима уред ги намалува перформансите, но не можеме да возиме кога е 60 степени во кабината, нели?