Актерот Кит Харингтон потврди дека спин-оф серијата за неговиот лик од Game of Thrones повеќе не е во активен развој.
Харингтон ја откри веста во интервју за ScreenRant додека го промовираше својот нов филм Blood for Dust. Актерот рече дека веќе не работат на проектот кој бил во фаза на развој и дека се надева дека во иднина повторно ќе се работи на спин-оф.
„Всушност, никогаш не зборував за серијата бидејќи беше во развој. Не сакав да се дознае дека се работи на серијата и не сакав луѓето да почнат да теоретизираат или да се возбудуваат за тоа или едноставно да ја мразат идејата, кога серијата можеби никогаш нема да се случи. Затоа што, во фазата на развој, гледате на секој агол и гледате дали се исплати.
Во моментов не се исплати. Серијата моментално не е во развој бидејќи не можевме да ја најдеме вистинската приказна за која сите бевме доволно возбудени. Затоа, решивме засега да престанеме да работиме на тоа. Можеби ќе дојде момент во иднина кога ќе се навратиме, но не во моментов. Седи на полица како идеја“, коментира актерот за ScreenRant.
Веста за спин-офот првпат беше објавена во 2022 година, а планот беше да се истражи што се случи со Џон Сноу откако заврши приказната во осмата сезона на Game of Thrones.