Додека жените се поенергични по секс и имаат енергија за разговор и галење, кај мажите поинаква е приказната. Зошто те можат да заспијат веднаш по сексот?
Напорот во текот на сексот и по достигнувањето на оргазам ги исцрпува мускулите поради зголемено производство на гликоген и предизвикува поспаност. Со оглед на тоа што мажите имаат повеќе мускулна маса од жените, тие се поуморни по сексот.
Во телото на мажот, по оргазам, се ослободува биохемиски пролактин, па неговото тело е поуморно, објаснува сексуалниот терапевт Дејвид Мекензи.
Докторите Марк Лејнер и Били Голдберг, автори на книгата „Зошто мажите заспиваат по секс?“ имаат и дополнително објаснување.
„Се смета дека напорот во текот на уживањето и по достигнувањето оргазам ги исцрпува мускулите поради зголемено производство на гликоген и предизвикува поспаност. Со оглед на тоа дека мажите имаат поголема мускулна маса од жените, тие се поуморни по односот“, велат докторите.
Додаваат дека има малку докази зошто мажите се повеќе склони да спијат по секс, но се знае дека по оргазам во телото засилено се создаваат окситоцин, пролактин и ендорфин, кои создаваат чувство на поспаност, пишуваReader's Digest.
Постои и теорија базирана на духовните аспекти на соединувањето на машката и женската енергија. Оргазмот на мажите е надворешен бидејќи ејакулира, а тоа предизвикува губење енергија. Наспроти тоа, женскиот оргазам е внатрешна експлозија од енергија, па жената не доживува губење поради што е во состојба да се гали и зборува со часови по завршување на сексуалниот чин.
Со оваа теорија донекаде се сложува и психологот Лори Бетитот.
„Жените сакаат да зборуваат за нивните сексуални искуства, од тоа произлегува желбата за разговор“, вели таа.
