Оризот често се користи за подготовка на многу јадења, а најпознати се ризото и пилаф. Оризот можете да го користите и како прилог, а најчесто се јаде со кинеска храна. Можете да го користите и за бојадисување на велигденски јајца. За да направите вкусен ориз, треба да знаете како да го готвите, инаку зрната може да се залепат и да имаат благ вкус.
Многумина само го мијат оризот пред да го употребат, а истата постапка можете да ја видите и на социјалните мрежи. Но, за добро да се свари оризот, треба да го потопите во вода.
Руската готвачка Јулија Архипова советува оризот да се потопува во вода околу 2 часа пред да се готви. Откако оризот ќе остане во вода 2 часа, повторно исплакнете го и почнете да готвите. Стоењето во вода предизвикува ослободување на скробот, а воедно и оризот ќе набабри. Кога ќе го сварите ќе ви треба помалку течност, за околу 10%, а дополнителен плус е што зрната нема да се залепат и побрзо ќе се варат.
