Кога станува збор за мачките, постојат многу верувања и митови за нивното влијание врз човечкиот живот. Покрај приказните за црни мачки, се тврди и дека мачките имаат девет животи. Зошто е тоа така?
Од каде потекнува ова познато верување?
Ако одите да ги посетите љубителите на мачки во различни делови на светот, ќе забележите дека сите имаат легенда за повеќекратниот живот на нашите омилени куќни миленици.
Сепак, она што се разликува е бројот на животи што наводно ги има мачката.
Некаде тој број е девет, како што е случај со нас, а некаде е, седум или шест - зависно од локалните приказни и обичаи.
Ако анализираме од каде потекнува бројот девет од целата оваа приказна, постојат две можности. Една од нив е дека легендата за девет животи на мачки потекнува од Кина, каде што овој број се смета за среќен. Друга можност е дека приказната започнала од Египет, каде мачките се многу ценети и поистоветувани со некое божество. Имено, врховниот египетски бог Ра често бил прикажуван во форма на мачка, а според легендата, тој од своето тело создал уште осум врвни богови.
Легендата најверојатно потекнува од легендата дека мачката е издржлива, дека брзо се опоравува и дека секојпат се враќа во живот.
Сепак, иако мачките се снаодливи, тие сепак се подложни на повреди и загуби на живот како и секое друго животно. Затоа е важно да се грижиме за нивното здравје, како што е случајот со другите домашни миленици.
