Светската здравствена организација соопшти дека извештајот на нејзините експерти кои го истражувале потеклото на коронавирусот во Вухан, Кина најверојатно ќе биде објавен следната недела.
Портпаролот на СЗО, Кристијан Линдмајер, на прес-конференција во Женева вчера изјави дека извештајот сè уште не е подготвен и дека членовите на тимот на СЗО кои работеле со кинески официјални лица на изготвувањето, сакаат да го сторат тоа на вистински начин.
СЗО претходно планираше да објави пократка и подоцна подолга верзија на извештајот, но тој план беше напуштен, така што ќе биде објавен еден документ.
Лидерот на тимот на СЗО Питер Бен Ембарек на почетокот на овој месец објави дека извештајот ќе биде објавен на 15 март.
