Сезоната на капини веќе е почната, а ова овошје за жал не е често застапено на нашата трпеза. Иако претставува совршен дар од природата за целокупното здравје, сепак малкумина знаат за придобивките од секојдневното консумирање капини.
Одлични се за превенција на многу болести, а се наоѓа и на топ 10 листата од намирници кои можат да спречат појава на малигна болест.
Капините се богати со витамини А, Б1, Б3, Б6, Ц, Е и К, како и со фолна киселина. Содржат магнезиум, калиум, калциум, цинк и железо, но и аминокиселини и влакна кои се корисни за дигестивниот систем.
Капините се ефикасни во спречување појава на карцином на бели дробови и дебело црево. Особено се корисни за повозрасните луѓе бидејќи помагаат во забавување на слабеењето на моторните и когнитивните функции.
Редовното консумирање капини може да ја подобри меморијата. Богати се со нерастворливи влакна важни за оптимално функционирање на дигестивниот тракт. Помагаат во празнење на цревата, во регулирање на тврдата столица и во случај на опстипација.