Како што жената созрева потешко ѝ е да најде поквалитетен и добар љубовен партнер. Постојат неколку причини за тоа.
Кога зрелите жени ќе запознаат потенцијален партнер нема да се преправаат дека се нешто што не се. Не сакаат да освојат некого со лажни квалитети, ниту ќе се смеат на глупави шеги. Нема да се воздржат од коментари и ќе го кажат своето мислење.
Во младоста обично внимаваме да не испаднеме смешни во одредена ситуација, да не создадеме лоша слика за себе. Но, зрелата жена не стравува од тоа, таа е директна и ќе праша сè што ја интересира. Јасно ѝ е дека непознатите работи се многу полоши од вистината.
Нема да го оптоварува партнерот со постојани приговори, но постојат работи за кои нема да премолчи. Ќе го бара тоа што го заслужува и нема да се согласи на нешто што е под нејзините стандарди. Колку е повозрасна жената толку повеќе е свесна за сопствената вредност.
Иако многу мажи очекуваат од жените да зависат од нив, зрелите жени тоа нема да го толерираат. Тие ќе ја почитуваат машката сила и постигнатиот успех, но нема лажно да глумат дека им е потребна заштита.