Ѕвездата на „Squid Game“ ХоЈон Џан откри дека ослабела дури 8 килограми за 10 дена додека ја промовирала серијата во САД.
„Немав време да јадам. Ослабев премногу. Целата облека што ја носев ми стана преголема откако пристигнав во Америка“, признала таа во интервју за Star News.
Нејзините обожаватели го коментираа наглото слабеење откако таа објави неколку нови фотографии на Instagram.
„Не сакам да ширам негативност, но само сакам да кажам дека фотографијата на која си во црн фустан особено ме загрижи. Знам дека славните мора да следат одредени стандарди за убавина, но те молам почни да јадеш повеќе“, ѝ напишал една обожавателка.
„Сѐ послаба си. Се надевам дека си среќна и се грижиш за своето здравје“, е исто така еден од коментарите.
Актерката претходно месецов призна дека се бори со овој проблем, наведувајќи го ненадејниот успех на серијата „Squid Game“ како причина.
„Поради коронавирусот, сè стана онлајн, па не можев да се навикнам на брзото темпо на живот. Ослабев 8 килограми за десет дена. Не можев да јадам кога серијата одеднаш стана особено популарна. Не се работи за стрес, туку јас едноставно се изгубив“, рече таа.
