Годинава голем дел од нас поминаа повеќе време пред телевизиските и компјутерските екрани од кога било досега.
Ако ви се „истрошија“ листите со филмови кои ви ги препорачале или сами сте ги побарале, Bright Side предлага една интересна листа филмови со неочекувани пресврти што ќе ве држат во неизвесност и залепени за екранот до самиот крај.
Во иднината научниците ќе создадат машина за патување низ времето, со што ќе биде можно враќање во минатото за да ги исправиме грешките и со тоа да ги смениме последиците. Ја следиме приказната на агент кој оди на низа сложени патувања низ времето за да спречи идните криминалци да извршат злосторства, а неговата последна задача ќе биде потешка од очекуваното.
Откако нејзиниот сопруг ќе се врати од затвор, Емили почнува да страда од депресија, а психијатар ѝ препишува нов експериментален лек. Сепак, она што Емили не го знае е дека лекот има несакани ефекти што ќе предизвикаат уште поголеми проблеми.
Јавен обвинител ќе се најде во неочекувана игра на „мачка и глушец“ со богат човек кој ја убил својата сопруга, но се обидува да се спаси од затвор.
17-годишната Кели се вљубува во својот професор Сем и се обидува на сите начини да го привлече неговото внимание, но безуспешно. Тогаш решава да се одмазди за невозвратеното внимание.
Познатиот писател Мајк Енслин пишува книга за натприродни феномени. За потребите на книгата одлучува да ја помине ноќта во озлогласената хотелска соба 1408, но не знае каков кошмар ќе го снајде таму.
Елиот е продавач кој западнал во долгови, а неговиот живот се менува во моментот кога ќе добие повик во кој ќе му бидат ветени богати награди доколку исполни 13 предизвици, но ситуацијата брзо добива мрачен пресврт.
Бенџамин е млад компјутерски генијалец чиј здодевен живот радикално се менува кога ќе се приклучи на група хакери. Иако на почетокот сè е многу возбудливо, тој наскоро сфаќа дека е вклучен во многу опасна игра.
Светски познат хирург открива како да се направи вештачка човечка кожа. Иако ги убедил колегите доктори дека експериментира само врз глувци, тој скришно држи во заробеништво една млада жена, која е всушност неговото лабораториско заморче.
Кога еден поранешен штитеник на мафијаш одлучува да сведочи на суд, неговиот живот се превртува наопаку. Мафијата нуди милион долари за неговата глава, а ФБИ очајно се обидува да го заштити.
Поранешен полицаец, обвинет за злосторство што не го сторил, решава да се самоубие, а полициски психолог се обидува да го одврати од тоа, но наскоро сфаќа дека неговите мотиви се различни од оние што се чини на прв поглед.