Иако нема нужно веднаш да се чувствувате физички поподготвени, некои од придобивките од трчањето се речиси моментални.
Од зголемена концентрација до подобар сон, различни придобивки засновани на научни докази се достапни по само неколку кругови во паркот.
Посреќни сте
Поведрото расположение не е резервирано само за искусните тркачи. Неколку кругови околу игралиштето или кратки серии покрај плажа се доволни да ви го подобрат денот, а да ви го подигнат расположението како еден вид природен антидепресив, покажа истражувањето на Универзитетската болница Каролинска.
Го ублажува стресот
Само 20 минути трчање се доволни за да се ублажи стресот од извршување на обврските на работа, покажа студијата на Кралскиот колеџ во Лондон.
Трчањето согорува калории
Колку калории согорувате зависи од вашата тежина, темпо и време на трчање.
Ги подобрува учењето и меморијата
Кога ќе почнете да трчате веднаш откако ќе научите нешто ново, ќе ги обработувате и задржувате информациите многу поефикасно отколку да поминувате време играјќи компјутерска игра, заклучува студијата објавена во списанието Cognitive Systems Research.
Трчањето го намалува воспалението
Само 20 минути трчање го потиснува воспалението, откри Универзитетот во Калифорнија. Кога воспалението станува хронично, предизвикува оштетување што доведува до сериозни здравствени состојби како што се срцеви заболувања, дијабетес, рак и артритис.
Квалитетот на сонот се подобрува
Трчањето наутро го подобрува вашиот сон следната ноќ, според студијата објавена во International SportMed Journal. Не само што ќе заспиете побрзо, туку и ќе спиете подолго и ќе уживате во поцврст и помирен сон.
Метаболизмот се подобрува
Трчањето ги стимулира вашите метаболички процеси со зголемување на производството на хормонот FGF21, според истражувањето објавено во Journal of Clinical Investigation Insight. FGF21 влијае на вашата желба за слатка храна и пијалоци со контролирање на вашата желба.
Зголемена енергија
Дали сте исцрпени, преморени и ги искусувате кумулативните ефекти од лошиот сон? Трчањето е решението, велат експертите. 20 минути трчање со низок или умерен интензитет го зголемуваат нивото на енергија за 20 отсто, покажа студија на Универзитетот во Џорџија.
Ја крева самодовербата
Трчањето го надува вашето его, без разлика дали навистина губите маснотии, градите мускули или ја зајакнувате вашата кондиција, покажа мета-анализата објавена во Journal of Health Psychology.
Ја зголемува концентрацијата
Само 12 минути трчање се доволни за да се подобри вашата способност да се задржи фокусот на задачите, открија истражувачите од колеџот Дартмут.
