Од направени 1668 тестирања, за последните 24 часа, регистрирани се 107 нови лабораториски позитивни случаи на SARS CoV-2, со што вкупната бројка на активни лица со COVID-19 изнесува 6.759. Оздравени се 247 пациенти, а пријавени се 19 починати лица или вкупно од почетокот на пандемијата 6.964 починати од коронавирусот.
Министерството за здравство информираат дека од позитивните најмногу се во Скопје – 83, Прилеп – 6, Куманово и Кавадарци – по 4, Битола – 3, Неготино – 2, Штип, Кичево, Кочани, Гевгелија и Пробиштип – по 1.
Од починатите, 12 се од Скопје, на возраст 86г, 84, 80г, 75г, 75г, 73г, 67г, 65г, 63г, 57г, 48г и 39г, две починати лица од Куманово 71г и 42г и по едно починато лице од Богданци 70г, Велес 73г, Гевгелија 69г, Кичево 69г и Македонска Каменица 87г. Сите пријавени лица се починати во болнички услови.
Дополнително, согласно Регистарот, умрени лица со дијагноза COVID-19 од Мој Термин, од Министерството соопштија дека пријавени се уште пет починати лица, со датум на смрт од 16 септември 2021 до 4 октомври 2021 година. Од нив двајца починати се од Скопје, и по едно починато лице од Тетово, Гевгелија и Велес, на возраст од 59 до 79 години. Од пријавените лица три се починати во болнички услови, а две во домашни услови.
Вкупната бројка на КОВИД-дијагностицирани лица во нашата земја од почетокот на епидемијата изнесува 197.197. Бројката на оздравени пациенти е 183.474, на починати е 6.964, а бројот на активни случаи изнесува 6.759.