Урамнотежената исхрана која вклучува конзумирање риба е рецепт за здрав живот. Природен извор на протеини, содржи јод, селен, калциум, витамини А и Д, како и омега 3 масни киселини - сето тоа се хранливи материи содржани во рибата. Сепак, некои видови риби содржат високо ниво на жива, која е тежок метал, па затоа треба да ги избегнувате.
Сината туна е една од видовите риби кои содржат високо ниво на жива. Во Европа може да се најде на брегот на Атлантикот и во Средоземното Море и може да достигне големина од стотици килограми, поради што акумулираат голема количина од споменатиот тежок метал.
Сабјарката е голем предатор и се карактеризира со долг сплескан клун. Овој вид може да биде долг и до 4 метри и да достигне тежина од повеќе од 500 килограми, па затоа содржи голема количина жива во споредба со другите риби.
Ајкулата е еден од поголемите предатори, а нејзината големина и способност да се храни со други помали видови ја прави вид со високо ниво на жива.
Штуката е риба која може да живее во солени и слатководни средини. Нејзиниот граблив карактер и големина го прават еден од видовите кои складираат повеќе жива во своето тело.
