Овошјето и зеленчукот треба да бидат основен дел од здравата и урамнотежена исхрана бидејќи се полни со витамини и антиоксиданси кои се важни за правилното функционирање на организмот.
Кивито е донекаде занемарено овошје, но има неколку причини зошто треба да го започнете денот со оваа конкретна храна.
Двете најважни состојки на кивито се антиоксиданси и витамин Ц. Количината на витамин Ц на 100 гр киви е 98 мг, што е двојно повеќе од портокалите и лимоните. Му помага на телото да ги неутрализира слободните радикали, а со тоа го штити организмот од многу болести. Се препорачува киви да се консумира наутро со појадок.
Големата количина на фолна киселина, покрај витаминот Ц, го зајакнува одбранбениот систем на организмот. Го зголемуваат производството на бели и црвени крвни зрнца, како и антитела, кои нѐ штитат од вирусни заболувања.
Кивито содржи витамин Е и омега 3 и 6 масни киселини, што го подобрува здравјето на артериите. На овој начин се спречува појава на тромб и згрутчување на крвта. Идеално е за заштита од тромбоза, срцев удар и оштетување на мозокот.
Содржи многу вода и нема висока енергетска вредност, затоа е идеално за слабеење и исфрлање на течности од телото. Ограничете се на два до три киви дневно бидејќи поголем внес може да предизвика алергија.
Кивито е идеално овошје за ослободување од стрес. Поради големото количество на витамин Ц, ја ублажува нервозата и анксиозноста.
Минералите магнезиум и калиум ги има во кивито, а одлични се за зајакнување на коските, забите и ноктите.
Луѓето кои се склони кон бубрежни заболувања, имаат песок или камен, не треба да јадат киви бидејќи тоа може да предизвика нивно засилување.