BMW E30 или кај нас попознат како „коцката“ на BMW, сепак е еден од најпосакуваните баварски модели, а таков и ќе остане.
Сега на сите им е јасно дека вреди да се инвестира во овој олдтајмер на BMW. Вложените пари лесно се враќаат и со камата која многукратно ги надминува „зделките на деценијата“ како што се државните обврзници.
Шегата настрана, E30 е барана стока, а спортскиот М3, како и кабриолетот , особено добро поминуваат. Има и неодолива комбинација, M3 Cabrio, како што неодамна беше понуден на аукција преку платформата Collecting Car.
Автомобилот предизвика голем интерес и на крајот постигна цена од 95.500 евра, сума за која денес можете да купите сосема нов М3. Овој примерок М3 од минатиот милениум, кој е попривлечен за многумина, е произведен во 1989 година.
Има поминато само 80.400 километри, а во меѓувреме беше обновен во одделот BMW Classic. Беспрекорната состојба е само дел од причините за постигнатата висока цена. Исто така, важно е да се каже дека ова е една од 781 произведени примероци.
BMW M3 cabrio е придвижуван од 2,3 атмосферски четирицилиндарски мотор во комбинација со т.н. dog-leg менувач со „контра“ поставени брзини и заден погон. Каросеријата има Macao сина металик боја, платнен покрив и М детали како спортски седишта и волан. Вистинска временска капсула.
Описот на автомобилот и фотогалеријата можете да ги погледнете ТУКА.
