Шведскиот поп-бенд ABBA има намера да издаде пет нови песни следната 2021 година. Ова, за британската Радиоемисија на Џеф Лојд, го изјави Бјерн Улвеус, еден од членовите на групата.
Според него, композициите се веќе снимени и требало да бидат објавени на крајот на 2019 година, но тоа не се случило поради технички пречки и потоа – пандемијата на коронавирус.
Последниот студиски албум на ABBA беше објавен во 1982 година, а необјавени песни потоа беа претставувани 1993 и 1994 година.
Четиричлениот состав е основан во 1972 година, од страна на Ањета Фелцкуг, Ани-Фрид Лињстад, Бјерн Улвеус и Бени Андерсон. За 10 години групата објави осум албуми. Филмот „Mamma mia!“ во два дела, со приказни засновани на песните на ABBA, го проследиле над 60 милиони луѓе низ целиот свет.
